Lazy Sunday

Kagabi (Sabado) may batang pumunta dito sa bahay para mag patulong pagawa ng kanyang proyekto.

Bata: Kuya padrawing ako.
Ako: Anong iddrawing?
Bata: Parang farm. Basta may nagtatanim.
Ako: Anong tinatanim?
Bata: Kahit ano.

(Sa isip ko lang) Kahit ano pala, sige, paano ko iddrawing ang taong nagtatanim ng sama ng loob sa gitna ng bukid? Chos!:)

Ako: Osige, akin na ang mga gamit mo.
Bata: Binigay sakin ang illustration board at lapis.

Wow. Old school. Walang pambura. HAHAH!

Kaninang umaga (Sunday) pinuntahan ako ng bata para kuhanin na ang project. Kainaman, hindi ko pa nasisimulan. HAHAH! Ang plano ko kasi gabi nalang. Yung tipong last minute na, yun bang puro adrenaline rush nalang ang nagpapagalaw sa buong katawan ko! Tapos kinabukasan ko nalang sana ibibigay bago sya pumasok sa school.

Pero dahil nahiya ako sa bata na hindi  naalis hanggat hindi ko natatapos ang project nya (wala ata syang tiwalang gagawin ko yun!) e sinimulan ko nang gawin. At sa katunayan katatapos ko lang.

Dahil sa kakapusan ko sa mga kagamitan, purong lapis lang. Wala din akong signpen ngayon! Kahit My∙Gel wala! O kung ano pa mang source ng dark ink (hindi epek pag ballpen lang). So pinabayaan ko nang ganyan. Wala na ring tasa tasa! Sharp na kung sharp at blunt naman yung ibang strokes. HAHAH! Yun mga tinatanim na parang mga tae tae lang, cabbage yan! Pagbigyan na! At kamatis naman yung mga nasa bakod (ang gaganda kasi ng mga kamatis na nakita ko sa kamatisan dun sa nayon nung isang araw). At para maiba ang eksena, nilagyan ko ng ibat ibang uri ng damo sa gitna! HAHAHAH! (Napaglaruan pa)  Yung isa nga e malanding damo (yung parang paruparo). ^^

Ayun, salamat na rin sa bata at mejo nabawasan ang tumal ng maghapon ko! Dahil tinatamad ako, siya na ang pinagbura ko ng ibang mga excess na detalye.

:D

Kayo, gano katumal ang hapon nyo?

****
Tumal = Bagal. Colloquially "nakakatamad".